HomeTop News Philippines

Selebrasyon sa ika-69 na kaarawan ni Quiboloy, mala-‘Disneyland’

DAVAO CITY – Mala-Disneyland ang naging tema ng ika-69 na kaarawan ni Kingdom of Jesus Christ founder Apollo Quiboloy sa Davao City nitong Miyerkoles.

Dinaluhan ng halos 6,000 katao ang engrandeng selebrasyon na ginawa sa Jose Maria College.

May parada ng mga paboritong Disney characters, perya, payaso, maskot at nakatanggap din ng libreng lauran at pagkain ang mga bisita.

Hiling ni Quiboloy sa kaniyang kaarawan, kapayapaan sa buong mundo at maging masaya ang mga bata.

“I cannot bring all the children to Disneyland. So I might as well bring Disneyland to them. So ‘yun ang nagpasimula ng concept. I do not need to have a birthday anymore,” aniya.

Nagpadala naman ng cake si Pangulong Rodrigo Duterte para sa pastor matapos hindi ito makadalo dahil sa biyahe nito sa China.

Dumalo rin sa selebrasyon ang ilang tumatakbong kandidato sa pagka-senador. Giit nila, matalik nilang kaibigan si Quiboloy kaya pumunta sila at hindi lang dahil hinihingi nila ang suporta ng pastor. – Ulat ni Chrislen Bulosan, ABS-CBN News

Bisitahin ang Patrol.PH para sa iba pang mga balita.