HomeTop News Philippines

Mas magandang panahon asahan sa bisperas ng Bagong Taon: PAGASA

Inaasahang makararanas na ang bansa ng mas mabuting panahon sa Lunes, bisperas ng Bagong Taon, ayon sa state weather bureau na PAGASA.

Ayon kay PAGASA weather forecaster Aldczar Aurelio, nakalabas na nitong Linggo ng Philippine area of responsibility (PAR) ang low-pressure area na dating si bagyong Usman.

Pero ayon kay Aurelio, maaaring makaranas ng maulap na kalangitan na may mga kalat-kalat na pag-ulan ang Luzon dahil sa hanging amihan.

Mahina hanggang katamtamang pag-ulan ang inaasahan sa Cagayan Valley at Aurora habang maulap na kalangitan na may mga mahinang pag-ulan ang inaasahan sa Metro Manila, Calabarzon at natitirang bahagi ng Luzon, ani Aurelio.

Magiging maaliwalas na ang panahon sa nalalabing bahagi ng bansa pero may posibilidad pa rin ng isolated thunderstorms, ani Aurelio.

Bisitahin ang Patrol.PH para sa iba pang mga balita.